کشمیر یونیورسٹی کے زیر اہتمام شیخ العالم رحمتہ اللہ علیہ پر ایکسٹنشن لیکچر کا انعقاد

سرینگر ، 5 دسمبر: کشمیر یونیورسٹی کے مرکز نور سنٹر فار شیخ العالم اسٹڈیز (CSAS) نے ہفتے کو شیخ العالم (رح) پر ایک لیکچر کا اہتمام کیا۔
اس موقع پر پروفیسر ثناء اللہ پرواز نے ’شیخ العالم اور کشمیر کے دور حاضر کے مسائل‘ کے عنوان سے اپنے خیالات کا اظہار کیا۔
اپنے ابتدائی کلمات میں ، سی ایس اے ایس کے چیئرمین پروفیسر جی این خاکی نے اس طرح کے تعلیمی تقاریب کے انعقاد کی اہمیت پر روشنی ڈالی اور شرکاء کو خوش آمدید کہا۔
ڈاکٹر معروف شاہ نے مہمان خصوصی اور لیکچر کے مرکزی خیال کا تعارف کیا۔
پروفیسر پرواز نے کشمیر میں ہم آہنگی اور بھائی چارے کو فروغ دینے میں شیخ العالم رحمتہ اللہ علیہ کے بطور ریسشی اور صوفیوں کے کردار پر روشنی ڈالی اور عصر حاضر کے منظرنامے میں ریشی صوفیوں کے اصولوں پر عمل پیرا ہونے کی ضرورت کا بھی ذکر کیا۔
اس لیکچر میں اسکالرز ، ادیبوں ، شاعروں ، ایڈمنسٹریٹرز اور ماہرین تعلیم کے ایک منتخب گروپ نے شرکت کی جس میں پروفیسر پیرزادہ ارشاد ، چیف لائبریرین ، جامعہ کشمیر یونیورسٹی، پروفیسر تاریک احمد راتھر ، ڈائریکٹر سنٹر آف سینٹرل ایشین اسٹڈیز کشث یونیورسٹی، ڈاکٹر محمد افضل میر؛ پروفیسر طارق احمد چستی ، ڈائریکٹر ڈسٹنس ایجوکیشن ، جامعہ کشمیر، محمد یوسف مشور اور متعدد طلباء و اسکالرز نے بھی شرکت کی۔