رئیس احمد کمار
بری گام قاضی گنڈ
گٹہ ژیجہ گئے ظلمت تہ دور
ینہ چانہ سیتھی آیہ جہانس شوب
ژہ شمس الظحی ژہ بدرالدجحی
زاتس چھو بس چونی مدعا
شق القمر سو عجب معجزہ
گئے ذلیل کتھ پانٹھی کفارہ مکہ
خبرگیری چانہ سہ تاریخ رقم کر
لایان لژھ آس ایمان تیمہ اون
خلق عظیم تہ شیریں دہانی
چھو قران سوری تعریف چانئ
بنان زندگی تس سیٹھاہ مرحبا
کران پور پانٹھی چھو یس اتباہ
لیکھہ رئیس کیاہ از نعت تیمہ سند
چھو رحمان بیگران تعریف ییمہ سند
