آپﷺ کے صدقے میں آقا دین پیارا مل گیا
آپﷺ آئے بے سہاروں کو سہارا مل گیا”
آپﷺ جب تشریف لائے دور ظلمت ہوگئی
زندگی سب کی ہوئی روشن وہ تارا مل گیا
چاند بھی شرما گیا میرے نبیﷺ کو دیکھ کر
اور دو ٹکڑے ہوا جب اک اشارہ مل گیا
آپ کی نسبت کا ہے آقاﷺ مرے سارا اثر
جو مجھے بھی نعت خوانی کا وتیرا مل گیا
مشکلیں آساں ہوئیں آقاﷺ بڑا احسان ہے
ڈوبتی کشتی کو میری اک کنارہ مل گیا
نعت میں سرکار کی لکھتا گیا پھر یوں ہوا
مصطفیﷺ کے در پہ جانے کا اشارہ مل گیا
کیا تمنا اب کروں جنت کی محسؔؔن تو بتا
گمبدِ خضراء کا مجھ کو جب نظارہ مل گیا
محسن کشمیری