جے کے پریس کور‘کاایک اہم اجلاس صدر ایازحافظ کی صدارت میں منعقد

سری نگر: جموں وکشمیر سے شائع ہونے والے اخبارات وجریدوں کے مدیران کی تنظیم ’جے کے پریس کور‘کاایک اہم اجلاس پیرکویہاں کورکے صدر ایازحافظ(ایڈیٹر رائزنگ کشمیر) کی صدارت میں منعقد ہوا۔
اس اہم اجلاس میں ’جے کے پریس کور‘ کے اجلاس میں مرکزی ارکان نے شرکت کی جن میں ظہورہاشمی ایڈیٹر روزنامہ آفتاب، فاروق وانی ایڈیٹر انچیف (برائٹر کشمیر)، روزنامہ گڈیال کے ارشد رسول، اقبال وانی (سرینگر نیوز)، چسفیدہ شاہ (کشمیر سکین)، شیخ اعجاز رشید (کشمیر کا دور)، منظور انجم (عقاب) اور جاوید شاہ (گڈ مارننگ کشمیر)،راج دلوگا ایڈیٹر اسٹیٹ ٹائمزشامل تھے۔
میٹنگ میں پرنٹ میڈیا کودرپیش مسائل اورچیلنجوں کوزیرغور لایاگیا،اوریہ فیصلہ لیاگیاکہ جموں وکشمیر سے شائع ہونے والے اخبارات کے مدیران اور میڈیا سے وابستہ افراد کے مطالبات کواُجاگر کرنے کیلئے ’جے کے پریس کور‘کوپورے جموں وکشمیرمیں وسعت دی جائے گی،اور خواہشمند مدیران کوممبر شپ دی جائے گی۔صدر ایازحافظ(ایڈیٹر رائزنگ کشمیر) کی صدارت میں منعقدہ اس اہم اجلاس میں جموں صوبے اور کشمیرڈویژن سے شائع ہونے والے نصف درجن سے زیادہ اخبارات اور رسالوں کے مدیران کو ’جے کے پریس کور‘کی ممبر شپ دی گئی،جن میں ایڈیٹرروزنامہ اُڑان محمداقبال،ایڈیٹر گریٹر جموں کیپٹن مورتی،ایڈیٹر کشمیر میگزین محمد اسلم بٹ،ایڈیٹرکشمیر کنوینئر محمدسلیم،ایڈیٹر روزنامہ سری نگر میل فاروق احمد،ایڈیٹر کشمیر ریزمحمدیوسف شاہ اورایڈیٹر سری نگر جنگ بلال بشیر بٹ بھی شامل ہیں۔