سرینگر نگر، 16 جنوری: وادی کشمیر میں جاری شدید سردی سے سڑکوں پر کہر لگنے اور پھلسن پیدا ہونے سے سڑک حادثات کا سلسلہ جاری ہے۔
شمالی کشمیر کے ضلع بانڈی پورہ کے حاجن علاقے میں ہفتے کے روز ایک لوڈ کیرئر ڈرائیور کے قابو سے باہر ہو کر دریائے جہلم میں جا گرا جس کے نتیجے میں اس میں سوار دو افراد زخمی ہوگئے۔
ذرائع نے بتایا کہ حاجن میں ہفتے کی صبح ایک ٹاٹا موبائل زیر نمبر JK15A- 5193 ڈرائیور کے قابو سے باہر ہوکر دریائے جہلم میں جا گرا۔
انہوں نے بتایا کہ اس حادثے میں دو افراد زخمی ہوگئے جنہیں علاج و معالجے کے لئے مقامی ہیلتھ سینٹر منتقل کیا گیا جہاں سے انہیں شیر کشمیر انسٹی چیوٹ آف میڈیکل سائنسز صورہ ریفر کیا گیا۔
زخمیوں کی شناخت شوکت احمد گورو ولد عبد الرحیم گورو اور غلام نبی گورو ولد غلام رسول گورو ساکنان شادی پورہ بانڈی پورہ کے بطور ہوئی ہے۔
دریں اثنا پولیس نے اس ضمن میں ایک کیس درج کرکے کارروائی شروع کی ہے۔
یو این آئی