تجارت کرنے کو آسان بنانا حکومت کی ترجیح۔ مشیربصیر خان

جموں /یکم/جنوری: لیفٹیننٹ گورنر کے مشیر بصیر احمد خان نے کہا کہ حکومت جموں وکشمیر یوٹی میں متحد اور مربوط تجارتی قواعد و ضوابط کے لئے ایک حقیقی سنگل ونڈو نظام کے قیام کے لئے وعدہ بند ہے۔
مشیر نے اِن خیالات کا اِظہار آج ریگولیٹری حکام کے ساتھ ایک میٹنگ کے دوران کیا جس کا انعقاد تجارت کے لئے ایک پائیدار پالیسی اور قواعد و ضوابط کو ترتیب دینا تھا۔
میٹنگ میں پرنسپل چیف کنزرویٹرجنگلات،چیئرمین پولیوشن کنٹرول بورڈ، ڈائریکٹر جیولوجی اینڈ مائننگ نے شرکت کی۔
میٹنگ میں صنعتی انجمنوں کی جانب سے اُٹھائے گئے مسائل پر غور و خوض کرنا تھا جو مشیر سے لاسی پورہ، گھٹی سانبہ اور اودھمپور انڈسٹریشل ایسٹیٹس کے دوران ملے تھے جنہوں نے مختلف سطحوں پر این او سیز کے حصول سے متعلق متعدد مسائل مشیر کے گوش گزار کئے تھے۔
مشیر نے کہا کہ حکومت تجارت کو حقیقی طور پر آسان بنانے کے لئے وعدہ بند ہے اور تجارت سے متعلق تمام این او سیز کو ایک سنگل وِنڈو نظام کے تحت معین مدت کے اندر جاری کرنے کے لئے متعدد اِقدامات اٹھائے گئے ہیں۔
ریگولیٹری حکام نے مشیر کو یقین دلایا کہ صنعتی انجمنوں سے اٹھائے گئے مسائل پر بغور جائزہ لیا گیا ہے اور تجارتی سرگرمیوں کو آسان بنانے کے لئے ہرممکن کوشش کی جارہی ہے۔