سری نگر ، 28 جنوری: کشمیر یونیورسٹی کے سٹیٹ ریسورس سنٹر (ایس آر سی) نے جمعرات کو انصاف تک رسائی سے متعلق قومی سطح کے ویبینار میں حصہ لیا۔
قائم مقام وائس چانسلر پروفیسر نیلوفر خان اور رجسٹرار ڈاکٹر نثار احمد میر ، جو ایس آر سی کے ڈائرکٹر بھی ہیں ، نے حکومت ہند کے محکمہ انصاف ، وزارت قانون و انصاف کے زیر اہتمام ‘انصاف تک رسائی- چیلنجز اور حل’ کے عنوان سے ویبینار میں شرکت کی۔
جوائنٹ سکریٹری لیگل ایڈ ٹو پور اینڈ اکسیس ٹو جسٹس، این کے گیگی، نے ویبنار کا افتتاح کیا ، جس کا مقصد انصاف تک رسائی کے منصوبے کے کلیدی مقاصد کی نشاندہی کرنا تھا۔ انہوں نے کہا کہ تمام متعلقہ ایس آر سیوں کو منصوبے کی بروقت تکمیل کو یقینی بنانا چاہئے تاکہمعاشرے کے کمزور طبقات اس منصوبے سے استفادہ حاصل کرسکیں۔
پروفیسر نیلوفر خان نے اپنے خطاب میں کہا کہ انصاف تک رسائی کے حصول کے لئے تعلیمی اداروں کو معاشرے کے پسماندہ طبقوں کو دستیاب قانونی طریقوں کے بارے میں شعور اجاگر کرنے میں پیش پیش رہنا چاہئے۔
اس موقع پر ڈاکٹر نثار احمد میر نے کہا کہ ایس آر سی معاشرے کے پسماندہ اور کمزور طبقوں کی قانونی ضروریات کو حل کرنے کے لئے جدید طریقوں کو فروغ دینے کے لئے پرعزم ہے۔
انہوں نے کہا کہ ایس آر سی حقوق العباد اور استحقاق تک ان کی آسان رسائی کو یقینی بنانے کے لئے عام عوام کی صلاحیتوں کو بڑھانے پر توجہ مرکوز رکھے ہوئے ہے۔
ڈاکٹر شیلاش سریواستو ، محکمہ انصاف ، حکومت ہند کے ڈائریکٹر ، نے اس منصوبے کے کلیدی مقاصد پر روشنی ڈالی۔
آسام ، سنٹرل یونیورسٹی آف کشمیر ، اروناچل پردیش اور میگھالیہ میں موجود ایس آر سیز نے بھی اس قومی سطح کے اہم ویبینار میں حصہ لیا۔
محمد یوسف ، منظور احمد اور شمائلہ شمیم سمیت کے یو ایس آر سی عہدیداروں نے بھی اس ویبنار میں شرکت کی۔