رئیس احمد کمار
بری گام قاضی گنڈ
۔۔۔ کتنا بدتمیز ہے وہ ۔ تین بیٹیوں کا باپ ہونے کا احساس ہی نہیں ہے اسکو ۔ اس عمر میں اتنی بڑی غلطی کرنے والا شخص تو درند ہی کہلا سکتا ہے ۔ ایسی غلطی کرنے والے شخص کو انسان نہیں کہتے ہیں ۔ میں ہمیشہ اسکو بڑی عزت کی نگاہوں سے دیکھ رہی تھی لیکن وہ عزت کے لائق ہی نہیں ہے ۔۔۔
جبینہ اپنی ماں شریفہ کو رمضان خان کے بارے میں بتاتی ہے جس نے جبینہ کے ساتھ چھیڑکھانی کی تھی ۔۔۔
کچھ وقت کے بعد اس وارڑ کے انتخابات ہورئے ہیں۔ عورتوں کے لئے مخصوس اس وارڑ میں چھ عورتیں الیکشن لڑ رہی ہے اسلئے مقابلہ خطرناک نوعیت کا ہے ۔ تمام امیدوار ووٹروں سے ووٹ طلب کررہے ہیں۔۔۔
جبینہ بھی ان چھ امیدواروں میں شامل ہے جو ووٹ حاصل کرنے کی غرض سے ہر کسی سے منت سماجت کررہی ہے ۔
۔۔۔ رمضان خان کے پاس بھی ووٹ حاصل کرنے کے لئے جبینہ آئی۔۔۔
۔۔۔ میں تمہارے بغیر کسی کو بھی ووٹ نہیں ڈالوں گا۔ میرا ووٹ صرف اور صرف تمہارے لئے ہے۔۔۔
رمضان خان جبینہ کو پورا بھروسہ دیتا ہے ۔۔۔
اس بار بھی رمضان نے جبینہ کو چھیڑا مگر جبینہ نے اُف تک نہ کیا اور ووٹ کی خاطر چپ چاپ بیٹھ گئی ۔۔۔