ہائی اسکول وائیلو نہالپورہ نے کیا سائیکل دوڑ کا اہتمام

منتظر مومن وانی
کنزر/اگرچہ کورونا کی دہشت نے اس سال تعلیمی نظام کو بہت کمزور کیا لیکن پھر بھی گورنمنٹ اداروں میں تعینات اساتذہ نے شگوفوں کی فکر کرتے ہوئے مختلف ایسے پروگرام منعقد کیے جو بچوں کی ذہنی اور جسمانی صحت کیلئے فائدہ مند ہے.
اسی فکر کو آگے بڑھاتے ہوئے ‘فٹ انڈیا کمپین’ کے تحت ہائی اسکول وائیلو زون نہالپورہ نے ایک سائیکل دوڑ کا اہتمام کیا جس میں علاقے کے متعد اسکولوں نے حصہ لیا. اس پروگرام میں علاقے کے کئی معزز اشخاص شامل تھے جن میں استاتذہ صاحبان، طالب علم, سماجی کارکن, سرپنچ حضرات , مسجد کمیٹی وائیلو اور دیگر شعبوں سے وابستہ لوگ موجود تھے۔
اس پروگرام میں ہائی اسکول وائیلو کے فزیکل ٹیچر مدثر ریشی نے اہم رول ادا کیا. ریشی مدثر نے کہا کہ ایسے پروگرام بچوں کی بہترین نشودنما کے لیے کافی اہم اور معنی خیز ہیں۔ اس پروگرام کے حوالے سے علاقے کے ذی شعور انسانوں نے اظہار کرتے ہوئے آنے والے کل میں ایسے پروگرام منعقد کرنے کی امید ظاہر کی. بچوں نے بھی خوشی کا اظہار کرتے ہوئے ہائی اسکول وائیلو کے تمام اساتذہ کا شکریہ ادا کیا۔
راشد مشتاق اور یاور احمد نے اول پوزیشن حاصل کی. پروگرام کے اختتام پر کئی انعامات بھی تقسیم کیے گئے. ہائی اسکول وائیلو کے ہیڈماسٹر نے اس پروگرام کو کامیاب بنانے میں تمام حضرات کا شکریہ ادا کیا.