کشمیر جم خانہ نے چمپئنز ٹرافی کے فائنل میں جگہ بنائی

سری نگر، 12 نومبر : کشمیر جم خانہ نے جمعرات کو یہاں ٹی آر سی گراؤنڈ میں عربی جیولرس کو 82 رنوں سے شکست دیکر چمپئنز ٹرافی 2020 کے تیسرے ایڈیشن کے فائنل میں جگہ بنائی ہے۔ چمپئنز ٹرافی کرکٹ ٹورنامنٹ کا انعقاد کرکٹ فریٹرنٹی ڈل گیٹ نے کیا تھا اور اس میں وادی کے مختلف حصوں سے تعلق رکھنے والی ٹیموں نے حصہ لیا ہے۔ کشمیر جم خانہ نے سیمی ٹورنامنٹ کے دوسرے فائنل مقابلے میں ٹاس جیت کر پہلے بلے بازی کرتے ہوئے مقررہ 30 اوورس میں سبھی وکٹ کے نقصان پر 191 رنز بنائے۔ عادل ریشی نے 64 رنز بنائے اور تین وکٹ حاصل کئے۔ ہدف کا تعاقب کرنے اتری عربی جیولرس محض 108 رنز بنا پائی اور یوں ٹورنامنٹ کا سیمی فائنل 82 رنز سے ہار گئی۔ عادل ریشی کو بلے اور گیند سے بہترین کارکردگی کا مظاہرہ کرنے پر مین آف دی میچ کے اعزاز سے نوازا گیا۔ ٹورنامنٹ کے فائنل میں کشمیر جم خانہ کا مقابلہ صوفی برادرس سے ہوگا۔ یو این آئی