آسٹریلیا کے سابق آل راؤنڈر ایرک فری مین کا انتقال

میل بورن، 15 دسمبر : آسٹریلیا کے سابق ٹیسٹ آل راؤنڈر ایرک فری مین کا انتقال ہو گیا۔ وہ 76 برس کے تھے۔
فری مین آسٹریلیا کے 244 ویں کھلاڑی تھے اور انہوں نے 1968 میں گابا میں ہندوستان کے خلاف بین الاقوامی کرکٹ میں ڈیبیو کیا تھا۔ فری مین نے آسٹرلیا کے لیے 11 بین الاقوامی ٹیسٹ میچ کھیلے جس میں 345 رن بنائے اور دو نصف سچری لگائے۔ انہوں نے اپنے ٹیسٹ کریئر میں 34 وکٹ لیے۔
ویسٹ انڈیز کے خلاف سنہ 1968-69 کی سیریز میں انہوں نے اپنے کریئر کا شاندار مظاہرہ کیا جہاں انہوں نے 30.50 کے اوسط سے 183 رن بنائے اور 13 وکٹ جھٹکے۔ فری مین نے فروری 1970 میں جنوبی افریقہ کے خلاف اپنے کریئر کا آخری ٹیسٹ میچ کھیلا تھا۔
کرکٹ کے علاوہ انھیں فٹبال کا بھی شوق تھا اور وہ پورٹ ایڈیلیڈ کے لیے فٹبال کھیلتے تھے۔ فری مین کو 2002 میں کھیلوں میں ان کی خدمات کے لیے میڈل آف دی آرڈر کا انعام دیا گیا۔
کرکٹ آسٹریلیا کے چیئر مین ایرل اینڈگس نے کہا،’فری مین ہمیشہ جنوبی آسٹریلیا کے عظیم ایتھلیٹس میں یاد کیے جائیں گے۔ وہ ہر معنیٰ میں ایک آل راؤنڈر تھے۔ بلے اور گیند کے علاوہ وہ فٹبال بھی اچھے سے
سے کھیلتے تھے‘
یو این آئی